【5個阻住你儲錢嘅壞習慣】
有冇人想儲錢但總係覺得自己儲極都儲唔到咁？原來以下呢5個習慣都會削弱你嘅儲錢能力：
1. ATM當銀包：身上一冇錢就去ATM拎，咁樣好易拎多咗用嚟儲嘅錢而自己唔知。
2. 冇準時交費：遲交費用會被罰款，額外嘅費用會增加每月嘅開支。
3. 過度依賴信用卡：出街食飯網購一律用信用卡埋單，唔經唔覺就好易使多咗錢。
4. 密集地小額使費：雖然每次用十幾蚊買小食買嘢飲感覺唔係好多，但就會不其然成為習慣，加埋就已經用咗好多錢。
5. 鍾意網購：上網買嘢款式多又方便，好容易愈買愈多，搞到過度消費。
只要識得控制自己嘅消費習慣，減低不必要嘅支出，咁就可以儲到錢啦！
#滾續達人 #儲蓄習慣 #減慢儲蓄 #控制支出
Search